CaixaBank e as empresas do Grupo CaixaBank que lle indicamos a continuación son corresponsables do tratamento dos seus datos para realizar as actividades comerciais de: (i) personalización da oferta de produtos segundo a análise dos seus datos; (ii) comunicación da oferta comercial de produtos e servizos por canles, e (iii) cesión de datos a outras empresas:

  • Caixabank, S.A.
  • CaixaBank Payments & Consumer, E.F.C, E.P., S.A.U.
  • Nuevo Micro Bank, S.A.U.
  • Facilitea Select Place, S.A.U,
  • ImaginersGen, S.A.
  • VidaCaixa, S.A.U. de Seguros y Reaseguros

De conformidade co que se dispón na normativa aplicable, as Entidades Corresponsables subscribiron un acordo de corresponsabilidade para determinados tratamentos, cuxos elementos esenciais son os seguintes:

(i) Que, para determinados tratamentos identificados na Política de Privacidade, as Entidades Corresponsables actuarán de forma coordinada ou conxunta.

(ii) Que procederon a determinar as medidas de seguridade, técnicas e organizativas, apropiadas para garantir un nivel de seguridade axeitado ao risco inherente aos tratamentos de datos persoais obxecto de corresponsabilidade.

(iii) Que dispoñen dun mecanismo de portelo único para o exercicio dos dereitos dos interesados, asumindo o compromiso do deber de colaboración e asistencia naqueles casos en que resultase procedente.

(iv) Que cumpren a obriga de respectar o deber de segredo e gardar a debida confidencialidade dos datos persoais que sexan tratados no marco das actividades de tratamento de datos indicadas.

(v) Independentemente dos termos do acordo de corresponsabilidade, os interesados poderán exercer os seus dereitos en materia de protección de datos fronte a cada un dos responsables.

Estes tratamentos teñen como base xurídica o seu consentimento, segundo se establece no art. 6.1.a) do Regulamento xeral de protección de datos (RXPD). 

Puidemos solicitarlle ese consentimento por diferentes canles, por exemplo, na entrevista en que vostede se deu de alta como cliente, a través do seu xestor ou xestora (presencial ou remoto), a través das nosas canles electrónicas e aplicacións móbiles, ou nalgunha das empresas do Grupo CaixaBank que resulte corresponsable do concreto tratamento. 

Se por algunha circunstancia, nunca lle solicitamos o seu consentimento, estes tratamentos non se lle aplicarán. 

Pode consultar as autorizacións que vostede nos consentiu ou denegou, e modificar a súa decisión en calquera momento e de maneira gratuita nas nosas oficinas, na web de CaixaBank (www.caixabank.es) e na de cada unha das empresas corresponsables do concreto tratamento, ou na súa área privada da web ou aplicacións móbiles de CaixaBank.

Os tratamentos comerciais baseados no seu consentimento indícanse a continuación ordenados do (A) ao (C). Sinalaremos para cada un deles: a descrición da finalidade (Finalidade), o detalle dos datos tratados (Datos tratados), se cómpre, información sobre o uso de perfís (Uso de Perfís) e outra información necesaria acerca do tratamento (Outra información relevante). 

A. Personalización da oferta de produtos segundo a análise dos seus datos

Finalidade: Se temos o seu consentimento, utilizaremos os datos que lle indicaremos a continuación, para elaborar un perfil comercial seu que nos permita deducir as súas preferencias ou necesidades para ofrecerlle, a través do seu xestor ou xestora (presencial ou remoto), os produtos e servizos comercializados polas empresas corresponsables que creamos que lle poden interesar en función das preferencias e necesidades deducidas.

Mediante este tratamento dos seus datos poderemos facerlle ofertas personalizadas que consideremos que poidan interesarlle máis que as ofertas xenéricas.

Datos tratados: non usaremos para este tratamento datos que conteñan información que revele a súa orixe étnica ou racial, as súas opinións políticas, as súas conviccións relixiosas ou filosóficas, a súa afiliación sindical, o tratamento de datos xenéticos, datos biométricos dirixidos a identificalo/a de maneira unívoca, datos relativos á saúde ou datos relativos á súa vida ou orientación sexual. 

Os datos que trataremos para esta finalidade son:

  • Datos de identificación e de contacto: nome e apelidos, sexo, información de contacto postal, telefónica e electrónica, domicilio de residencia, nacionalidade e data de nacemento, idioma de comunicación, documento de identificación.
  • Datos da súa actividade profesional ou laboral e socioeconómicos: actividade profesional ou laboral, ingresos ou retribucións, unidade ou círculo familiar, nivel de estudos, patrimonio, datos fiscais e datos tributarios.
  • Datos de contratación: produtos e servizos contratados ou solicitados (propios ou de terceiros), condición de titular, autorizado ou representante do produto e servizo contratado, categorización segundo a normativa en materia de mercados de valores e instrumentos financeiros (categoría MiFID), información sobre investimentos realizados e a súa evolución e información e movementos das operacións de financiamento.
  • Datos financeiros básicos: saldos actuais e históricos de produtos e servizos e historial de pagamento dos produtos e servizos contratados (propios ou de terceiros).
  • Datos de terceiros observados nos extractos e recibos de contas á vista e contas de pagamento: a información das anotacións e movementos que terceiros emisores realicen nas súas contas, incluíndo o tipo de operación, o emisor, o importe e o concepto que aparecen nos recibos e extractos de operacións con tarxetas de débito, crédito e prepagamento.
  • Datos da súa condición de accionista, ou non, de CaixaBank: se ten ou non accións de CaixaBank.
  • Datos das comunicacións mantidas con vostede: datos obtidos en chats, taboleiros, videoconferencias, chamadas telefónicas ou medios equivalentes.
  • Datos de navegación propios: se vostede aceptou o uso de cookies e tecnoloxías similares nos seus dispositivos de navegación, os datos obtidos das súas navegacións polas nosas páxinas web ou aplicacións móbiles e a navegación que realice nelas: historial de navegación (páxinas visitadas e clics en contidos), ID do dispositivo, ID de publicidade, enderezo IP.
  • Datos xeográficos: se o autorizou na configuración da propia aplicación, os datos da situación dos comercios das súas operacións con tarxeta e os datos de xeolocalización do seu dispositivo móbil proporcionados pola instalación e/ou o uso das nosas aplicacións móbiles.
  • Datos obtidos da execución de modelos estatísticos: utilizamos os resultados da aplicación de modelos matemáticos cos datos dos clientes para loitar contra a fraude, deducir os seus hábitos de consumo, preferencias ou propensións de contratación, cumprir coas nosas obrigas normativas e xestionar as operativas dos seus produtos e/ou servizos.
  • Datos de avaliación de risco ou scoring: nas operacións de financiamento ou pagamento por cotas, deduciremos a súa capacidade de pagamento ou impagamento, ou os límites de risco, mediante a aplicación de modelos matemáticos estatísticos que se calculan cos seus datos.
  • Datos demográficos e socioeconómicos: datos estatísticos non asociados a persoas determinadas senón a zonas xeográficas, sectores de idade ou sectores de actividade profesional, que utilizaremos para os pór en relación coa información dos clientes.
  • Datos sobre inmobles e vehículos asociados á túa persoa: datos obtidos do catastro e datos básicos de vehículos obtidos da Dirección Xeral de Tráfico que utilizaremos para complementar a información sobre os seus inmobles e vehículos.
  • Datos sobre administradores, cargos funcionais e vinculacións societarias: datos extraídos das bases de datos de INFORMA que utilizaremos para complementar a información sobre a súa actividade.
  • Datos de subvencións e seguros agrarios: datos publicados polo Fondo Español de Garantía Agraria (FEGA) e pola Entidade Estatal de Seguros Agrarios (ENESA).
  • Datos de terceiras empresas ás que vostede dese o seu consentimento para compartilos connosco: datos seus tratados por outras empresas coas que teñamos acordos e ás que vostede autorizase compartir a súa información connosco.
  • Datos de navegación: se vostede aceptou o uso de cookies e tecnoloxías similares nos seus dispositivos de navegación, os datos obtidos das súas navegacións por páxinas web ou aplicacións móbiles de terceiros e a navegación que realice nelas: é dicir, historial de navegación (páxinas visitadas e clics en contidos), ID do dispositivo, ID de publicidade, enderezo IP, se vostede aceptou o uso de cookies e tecnoloxías similares nos seus dispositivos de navegación.
  • Datos de redes sociais ou Internet: datos de redes sociais ou Internet que vostede nos autorice consultar.

Uso de perfís: para este tratamento elaboraremos un perfil comercial que utilizaremos exclusivamente para personalizarlle a nosa oferta de produtos e servizos:

  • Finalidade do perfil: o perfil utilizado ten como finalidade deducir os produtos e servizos que creamos que lle poden interesar, de acordo coa información que temos sobre vostede, para ofrecerlle a súa contratación en vez de dirixirlle ofertas comerciais xenéricas.
  • Consecuencias: se vostede autoriza o tratamento, utilizaremos perfís comerciais para decidir que produtos ou servizos lle ofrecemos comercialmente. Se non o autoriza, non usaremos a súa información para personalizarlle a oferta comercial.
    Este perfilado non o utilizamos, en ningún caso, para a denegación de ningún produto ou servizo, nin para determinar límites de crédito. A non aceptación deste tratamento non impide, limita ou condiciona o seu acceso ao noso catálogo completo de produtos e servizos que vostede ten sempre á súa disposición.
    En caso de que solicite a contratación de calquera produto ou servizo, a solicitude será avaliada con vostede conforme aos nosos procedementos ordinarios, sen que a aceptación ou non da análise dos seus datos para a personalización da oferta de produtos afecte a esta avaliación.
  • Lóxica: O perfil dun cliente calcúlase a partir dos datos indicados no apartado “datos tratados”. 
    A estes datos aplícanselles fórmulas matemáticas obtidas a partir de comportamentos observados no pasado en clientes de similares características para, deste modo, inferir o comportamento do cliente no futuro. Estas fórmulas matemáticas permiten determinar a importancia de cada un dos datos tratados no resultado final do perfil do solicitante. 
    Este resultado final é a probabilidade de que o cliente estea interesado nun produto ou servizo.  

Outra información relevante: a continuación, encontrará outra información importante sobre este tratamento:

  • Comprobación previa da súa capacidade de pagamento: cando as ofertas que queiramos transmitirlle consistan en produtos ou servizos que impliquen o pagamento de cotas ou en financiamento, comprobaremos previamente a súa capacidade de pagamento.
    Esta comprobación previa realizarémola mediante o tratamento detallado na epígrafe 6.2.C da nosa política de privacidade, co fin de ofrecerlle un límite de crédito e un prazo de devolución axeitados ao coñecemento que teñamos da túa situación financeira, de acordo cos principios de responsabilidade na oferta de produtos de financiamento esixidos polo Banco de España, e pola normativa sobre supervisión prudencial e de solvencia das entidades de crédito e de préstamo responsable.
    A non aceptación deste tratamento non impide, limita ou condiciona o seu acceso ao noso catálogo de produtos e servizos de financiamento que, en caso de solicitude pola súa banda, será avaliada con vostede conforme aos nosos procedementos ordinarios.
  • Vixencia do tratamento: só realizaremos este tratamento dos seus datos se vostede nos deu o seu consentimento para facelo, e o seu consentimento permanecerá vixente mentres vostede non o retire. Se cancela todos os seus produtos ou servizos connosco, pero esquece retirar o seu consentimento, nós farémolo automaticamente.
  • Oferta de produtos e servizos das empresas corresponsables: Se vostede consente este tratamento, ofrecerémoslle os produtos e servizos comercializados polas empresas corresponsables que lle detallamos no apartado seguinte. 
    Estas empresas están dedicadas á actividade financeira, bancaria e de medios de pagamento, incluída a oferta de activos inmobiliarios derivados destas actividades, á actividade aseguradora, ao comercio electrónico xeneralista, ao lecer e á promoción de actividades sociais e de sostibilidade.

B. Comunicación da oferta comercial de produtos e servizos por canles

Finalidade: Se temos o seu consentimento, poremos á súa disposición a nosa oferta de produtos e servizos a través das seguintes canles: aplicacións móbiles, medios dixitais e canles electrónicas, carta ou teléfono.

Datos tratados: Os datos que trataremos para esta finalidade son:

  • Datos de identificación e de contacto: nome e apelidos, sexo, información de contacto postal, telefónica e electrónica, domicilio de residencia, idioma de comunicación.

Outra información relevante: a continuación, encontrará outra información importante sobre este tratamento:

  • Vixencia do tratamento: só realizaremos este tratamento dos seus datos se vostede nos deu o seu consentimento para facelo, e o seu consentimento permanecerá vixente mentres vostede non o retire. Se cancela todos os seus produtos ou servizos connosco, pero esquece retirar o seu consentimento, nós farémolo automaticamente.

C. Cesión de datos a outras empresas

Finalidade: Se temos o seu consentimento, cederemos os datos que lle indicaremos a continuación a outras empresas coas que teñamos acordos, co propósito de que lle fagan ofertas comerciais dos produtos e servizos que comercializan.

Se non nos consente este tratamento, non cederemos os seus datos; se o consente, os datos que comunicaremos a outras empresas variarán en función de se nos autorizou, ou non, a personalización da oferta de produtos segundo a análise dos seus datos:

  • Se non temos o seu consentimento para personalizarlle a nosa oferta comercial (tratamento A anterior), facilitaremos a esas empresas unicamente os seus datos identificadores e de contacto.
  • Se nos deu o seu consentimento para personalizarlle a nosa oferta comercial (tratamento A anterior), tamén comunicaremos a esas empresas información do seu perfil comercial, que consiste na información deducida sobre as súas preferencias e necesidades, así como información deducida sobre a súa probabilidade de pagamento ou non pagamento, ou sobre límites de risco.

Esas terceiras empresas ás que poderiamos ceder os seus datos dedícanse ás seguintes actividades:

  • bancarias
  • servizos de investimento
  • seguros e reaseguros
  • capital risco
  • inmobiliarias
  • viarias
  • venda e distribución de bens e servizos,
  • servizos de consultoría
  • lecer e
  • benéfico-sociais

Datos tratados: non usaremos para este tratamento datos que conteñan información que revele a súa orixe étnica ou racial, as súas opinións políticas, as súas conviccións relixiosas ou filosóficas, a súa afiliación sindical, o tratamento de datos xenéticos, datos biométricos dirixidos a identificalo/a de maneira unívoca, datos relativos á saúde ou datos relativos á súa vida ou orientación sexual.

Estes son os datos seus que usaremos se consente que comuniquemos os seus datos a terceiras empresas, pero non temos o seu consentimento para personalizarlle a nosa oferta comercial de produtos e servizos (tratamento A anterior):

  • Datos de identificación e de contacto: nome e apelidos, sexo, información de contacto postal, telefónica e electrónica, domicilio de residencia, nacionalidade e data de nacemento, idioma de comunicación, documento de identificación.
    Se vostede nos deu o seu consentimento para personalizarlle a nosa oferta comercial de produtos e servizos (tratamento A anterior), ademais, usaremos os seguintes datos: 
  • Datos obtidos da execución de modelos estatísticos: utilizamos os resultados da aplicación de modelos matemáticos cos datos dos clientes para loitar contra a fraude, deducir os seus hábitos de consumo, preferencias ou propensións de contratación, cumprir coas nosas obrigas normativas e xestionar as operativas dos seus produtos e/ou servizos.
  • Datos de avaliación de risco ou scoring: nas operacións de financiamento ou pagamento por cotas, deduciremos a súa capacidade de pagamento ou impagamento, ou os límites de risco, mediante a aplicación de modelos matemáticos estatísticos que se calculan cos seus datos.

Outra información relevante: a continuación, encontrará outra información importante sobre este tratamento:

  • Información sobre a cesión: Se chegamos a algún acordo cunha terceira empresa para cederlle os seus datos, a empresa destinataria comunicaralle esta circunstancia, así como os datos cedidos e os detalles do tratamento que pretende levar a cabo.
  • Vixencia do tratamento: só realizaremos este tratamento dos seus datos se vostede nos deu o seu consentimento para facelo, e o seu consentimento permanecerá vixente mentres vostede non o retire. Se cancela todos os seus produtos ou servizos connosco, pero esquece retirar o seu consentimento, nós farémolo automaticamente.