Eskaintza ugari existitzen dira merkatuan. Zenbaitetan, produktuak doanekoak dira erabiltzaile partikularrentzat eta ordaintzekoak enpresentzat bakarrik. Birus aurkakoak garatzen eta mantentzen dituzten ia enpresa guztiek ere produktu hauek dituzte. Zalantza izanez gero, zure software ohiko hornitzailearekin harremanetan jarri.

Firewall pertsonal bat instalatzeko, lehenik eta behin, ziurtatu behar dugu ez dagoela beste bat instalatuta. Bi firewall pertsonal instalatzen baditugu, ez da segurtasuna areagotzen, baizik eta akatsak eta bien arteko gatazkak sortzen ditu.

Instalazioari buruzko ohiko galderez gain, firewall pertsonalak normalean eskatuko dizu segurtasun maila bat aukeratzeko, baxua, arrunta eta zorrotzaren artean. Gomendatzen da segurtasun maila arrunta erabiltzea, erabiltzailea aditua bada izan ezik. Horrelakoetan, segurtasun maila zorrotza gomendatzen da.

Firewall pertsonalaren funtzionamenduko lehenengo egunetan, mezu ugari bidaliko dizkizu. Abisu horiek, oro har, bi motakoak izango dira:

Programen konexiorako eskaerak: Programa bat erabiltzen denean, normalena, interneteko konexioak ezartzen dira. Firewall pertsonalak konexio hori detektatuko du eta erabiltzaileari horren berri emango dio.

Detektatutako erasoak: Sistemak ohartaraziko dizu zure sistema erasotzen ari direla. Erasoen maiztasuna orduan 3 edo 4 izatera iritsi daiteke. Ez dago beldurtzeko ziorik, ia guztietan sare osoei zuzendutako erasoak izaten dira eta ez diote inolako makinari kalterik egiten. Arrakastarik gabeko eraso saiakerak dira eta firewall pertsonalak horren berri ematen du.

Nolanahi ere, firewall pertsonalak berriz abisatu edo erasoa erregistratu dezake, aukeratzen duzun aukeraren arabera. Hau da, sarrera berri bat sortuz gero, berriz abisatuko dio, edo, bestalde, emandako azken agindua errepikatuko du.

Gomendatzen da lehenengo egunetan erabilgarri dauden sare konexioko programa guztiak erabiltzea, abisu-mezurik existitzen ez diren arte eta firewall pertsonalak denak erregistratu arte.

Erasoei dagokienez, gauza bera gertatuko da. Lehenengo egunetan, erasoen kopuru altua erakutsiko da eta hura pixkanaka gutxituko da.