Nabigazioa babestea

Webguneetan, ez sartu datu pertsonalik edo profesionalik datuak eskatzen dituzten txantiloietan. Zerbitzua eskuratzeko nahitaezkoa denean soilik eman benetako datuak (adibidez, erosketa bat egitean edo posta bidezko bidalketa bat jaso nahi denean).

Datu finantzarioak webgune seguruetan soilik sartu (bankuko PIN-kodeak PIN hori sortu duen bankuaren edo kutxaren orrialdean soilik erabili behar dira).

Zure gako-sistema koordenatu-txartel bati badagokio (Línea Abierta txartela, adibidez), ez fidatu koordenatu guztiak eskatzen dizkizuten txantiloiez. Bigarren baimen-gako hori eragiketak baimentzeko soilik da beharrezkoa.

Ez erabili pasahitz berak segurtasun handiko eta segurtasun txikiko sistemetan.

Ez eman datu pertsonalik indarrean dagoen legedia betetzen dela (DBLO) bermatzen ez duten webguneetan edo webgune seguru bat (SSL) ez dutenetan.

Ezizena duten posta-kontuak erabili (jatorrizkoa beharrean), benetako helbide elektroniko bat sartzea eskatzen duten zerbitzu jakinetara sartzeko. (Erabiltzaile aurreratuen kasuan).

Ordenagailu publikoak edo hirugarrenekin partekatuak erabiltzean, kontuan izan itzazu oinarrizko babes-neurri hauek: saioak deskonektatu, aurrememoria ezabatu...

Kontu handiz ibili baimenik ez duten eskatzaileei edo haien identitatea modu frogagarrian egiaztatu ezin dutenei informazio garrantzitsua ematean.

Garrantzitsua da segurtasun-kopia ordenagailua dugun toki berean ez gordetzea, litekeena baita biak galtzea istripu edo lapurretaren bat gertatuz gero.

Gomendagarria da beti eskura izatea abio-disko bat, eta, beharrezkoa balitz, sistema eragilea instalatzeko diskoa. Sistema horri esker, zenbait kasutan akats bat zuzendu daiteke, edo, besterik ez bada, azken segurtasun-kopian gorde ez den informazio berria gorde.

Abio-disko berri bat sortu behar da sistemaren eguneratze kritiko bat egiten den bakoitzean.

Akatsa konpondu ezin bada, eta sistema berriz instalatu beharko balitz, instalazioaren CDa ere beti eskura izatea gomendatzen da.