Protección da navegación

Manter o anonimato no que a datos persoais e profesionais se refire nos formularios de petición de datos de sitios web. Proporcionar datos reais só cando sexa imprescindible para obter un servizo (por exemplo: cando se realice unha compra ou cando deba recibirse un envío postal).

Introducir os datos financeiros só en sitios web seguros (concretamente, o uso de PIN bancarios debe restrinxirse unicamente á páxina do banco ou da caixa que orixinou o PIN).

Se o teu sistema de claves corresponde a unha tarxeta de coordenadas (como a Tarxeta Línea Abierta), desconfía sempre se chas solicitan todas nun mesmo formulario. Esta segunda clave de autorización só é necesaria para autorizar operacións.

Non utilizar os mesmos contrasinais nos sistemas de alta seguridade que nos de baixa seguridade.

Non facilitar datos persoais en sitios web que non garantan o cumprimento da lexislación vixente (RGPD y LOPD) ou que non dispoñan dun sitio web seguro (SSL).

Utilizar contas de correo alias (en lugar do orixinal) para acceder a determinados servizos que esixen a introdución dun enderezo de correo electrónico que exista. (Para usuarios expertos).

Cando se utilizan ordenadores públicos ou compartidos con terceiras persoas, ter en conta as medidas de protección básicas: desconectar as sesións, borrar a memoria caché...

Extremar as precaucións cando proporcionemos información sensible a solicitantes non autorizados ou ben cando a súa identidade non se poida verificar dun xeito fidedigno.

É importante non gardar a copia de seguridade no mesmo lugar onde temos o ordenador, xa que en caso de accidente ou roubo poderiamos perder as dúas cousas.

É moi recomendable ter sempre a man un disco de arranque e, por se fose necesario, o sistema operativo para instalar. Con este sistema é posible, algunhas veces, corrixir un erro ou, polo menos, salvar a nova información que non se rexistrase na última copia de seguridade.

Cómpre crear un novo disco de arranque cada vez que se realiza unha actualización crítica do sistema.

Por se non fose posible corrixir o erro e fose necesario reinstalar o sistema tamén se aconsella ter sempre dispoñible o CD de instalación.